ხოსე მარი ბაკერო "ბარსელონას" აკადემიაში არსებულ პრობლემებზე საუბრობს

"ბარსელონას" ახალგაზრდული აკადემიის დირექტორი, კატალონიური კლუბის ყოფილი ფეხბურთელი ხოსე მარი ბაკერო იმ პრობლემებზე საუბრობს, რომლებსაც "ბარსას" სკოლა ნიჭიერი ფეხბურთელების შენარჩუნების მცდელობის დროს აწყდება.

"გაცილებით ნაკლები პრობლემები გვაქვს შედარებით უფროს ფეხბურთელებთან. როდესაც ისინი 17-18 წლის ხდებიან, მათ დონესა და პოტენციალზე უკვე მკაფიო წარმოდგენა გვაქვს. უფრო ახალგაზრდა ფეხბურთელებს დიდ იმედებს ვუკავშირებთ. თითო გუნდიდან 4-5 ფეხბურთელს შესანიშნავი პერსპექტივა და საჭირო თვისებები აქვს.

თანამედროვე ეკონომიკა, ჩვენზე, დიდ ზეწოლას ახდენს. უკვე ამ ასაკში, საუბარია 600 ათას ევროზე, რასაც ფეხბურთელებს სხვა კლუბები სთავაზობენ. ბონუსის სახით კი ფეხბურთელს ან მის წარმომადგენელს ერთ ან ორ მილიონს უხდიან." - ციტირებს ბაკეროს სიტყვებს Sport.

შეგახსენებთ, რომ ამ პრობლემის გამო, "ბარსელონადან", ბოლო წლებში, არაერთი ნიჭიერი ფეხბურთელი წავიდა.