იერი მინას გოლი კოლუმბიის ნაკრებს პოლონეთის დამარცხებაში დაეხმარა [ვიდეო]

ცოტა ხნის წინ დასრულდა შეხვედრა პოლონეთის და კოლუმბიის ნაკრებებს შორის. სამხრეთ ამერიკელებმა მეტოქის დამარცხება მოახერხეს და შემდეგ ეტაპზე გასვლის შანსი შეინარჩუნეს. 

ანგარიში "ბარსელონას" მცველმა, იერი მინამ 40-ე წუთზე გახსნა. მეორე ტაიმში, 70 წუთზე, რადამელ ფალკაომ სხვაობა ორამდე გაზარდა, რამდენიმე წუთის შემდეგ კი ხუან კუადრადომ საბოლოო ანგარიში დააფიქსირა. 

კოლუმბია 2 ტურის შემდეგ 3 ქულით მესამე ადგილზეა. ისინი სენეგალს და იაპონიას ჩამორჩებიან, რომლებსაც 4-4 ქულა აქვთ, პოლონეთს კი - 0. მომდევნო ტურში კოლუმბიელები სენეგალს დაუპირისპირდებიან და 1/8 ფინალში გასასვლელად მათი დამარცხება მოუწევთ.