ივან რაკიტიჩი: ინიესტა და მოდრიჩი სხვა პლანეტიდან არიან
"ბარსელონას" ხორვატ ნახევარმცველს, ივან რაკიტიჩს, კატალონიური კლუბის ლეგენდის, ანდრეს ინიესტასა და მადრიდის "რეალის" ერთ-ერთი ლიდერის, ლუკა მოდრიჩის შედარება უჭირს.
"მათი შედარება ძალიან რთულია. არსებობს გრძნობა, რომ ისინი სხვა პლანეტიდან ჩამოვიდნენ, რათა მოკვდავებთან ეთამაშათ. ინიესტაც და მოდრიჩიც თავიანთ პოზიციაზე ერთ-ერთი საუკეთესო ფეხბურთელები არიან. ჩემთვის დიდი პატივი იყო 4 წელი ანდრესთან "ბარსელონაში" თამაში, ისევე, როგორც ლუკასთან - ხორვატიის ნაკრებში. ასეთ ფეხბურთელებთან ერთად ყოფნით სიამოვნებას იღებთ და სწავლობთ.
ღმერთს მადლობას ვუხდი, რომ ორივე მათგანთან თამაშის შესაძლებლობა მომცა. ანდრესი ჩემი ერთ-ერთი საუკეთესო მეგობარია, ლუკა კი უფროსი ძმასავითაა." - ციტირებს რაკიტიჩის სიტყვებს AS.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 5 ]