ზაფხულის ”შენაძენების” რეკორდები ”რეალი” წინააღმდეგ

ორშაბათს ”ბარსას” რიგებში უამრავი ”ძველი” ფეხბურთელი მოგვევლინება, თუმცა იქნებიან ახლებიც, რომლებსაც ”ბარსას” მაისურით ”მადრიდის” წინააღმდეგ ჯერ არ უთამაშიათ. ესენი არიან გვარდიოლას მიერ ზაფხულში შეძენილი ფეხბურთელები: ვილია, ადრიანო და მაშერანო.
ეს სულაც არ ნიშნავს, რომ ამ სამს არასდროს უთამაშია ”მადრიდის” წინააღმდეგ:

ვილიას 16 თამაში:
ვილიას, ახალი შენაძენებიდან, ყველაზე დიდი გამოცდილება აქვს ”მადრიდის” წინააღმდეგ თამაშში. ის ”მადრიდელებს” ჯამში 16-ჯერ დაუპირისპირდა. პირველად ის ”რეალის” წინააღმდეგ ”სარაგოსას” მაისურით მოგვევლინა (2003/04), და რამდენიმე თვის შემდეგ მან 11 მეტრიანი დარტყმის შედეგად პირველი გოლი გაიტანა ”მადრიდის” კარში. ეს მოხდა თასის ფინალში.
”მადრიდის” წინააღმდეგ ნათამაშევი 16 მატჩში, ვილიამ შვიდჯერ დაამწუხრა მეტოქე: ორჯერ, როგორც ”სარაგოსას” კუთვნილებამ, ხოლო ხუთჯერ ”ვალენსიის” მაისურით. მან ბოლო გოლი 2009 წლის დეკემბერში გაიტანა, თუმცა ეს საკმარისი არ აღმოჩნდა. ”ვალენსია” ამ მატჩში დამარცხდა, ანგარიშით, 2-3.

მაშერანო 100%-იანი გამარჯვებული:
ხავიერ მაშერანო არასდროს შეხვედრია ”მადრიდს” ეროვნულ ჩემპიონატში. თუმცა, ის ირიცხებოდა ”ლივერპულის” რიგებში, როდესაც ამ უკანასკნელმა ”რეალი” გამოთიშა ”ჩემპიონთა ლიგას” 2008-09 წლებში. პირველი მატჩი გაიმართა ესპანეთის დედაქალაქში, და დასრულდა ანგარიშით 0-1, ხოლო მეორე ”ანფილდზე”, ”მადრიდელთა” სრული განადგურებით, ანგარიშით, 4-0.

ათი თამაში და ერთი გოლი ადრიანოს ანგარიშზე:
”სევილიის” მაისურით ადრიანო 10-ჯერ შეხვდა მადრიდის ”რეალს”, აქედან 5-ში გამარჯვება მოიპოვა, ოთხში დამარცხდა, ხოლო ერთიც ფრედ დაასრულა. 2008-09 სეზონში ”ბერნაბეუზე” 3-4 გამარჯვებისას, ადრიანომ მეტოქეთა კარში პირველი გოლი გაიტანა. მისი მაჩვენებლები გაცილებით უკეთესი იქნებოდა, მას რომ იძულებით არ გამოეტოვებია 2007 წლის ”სუპერ თასის” ორ ეტაპიანი ფინალი, სადაც ”სევილიამ” დაამარცხა ”რეალი”.


თამაშები ”მადრიდის” წინააღმდეგ:
თამაში |მოგება|ფრე|წაგება|გოლი
_____________________________________
ვილია 16 | 5 | 3 | 8 | 7
_____________________________________
ადრიანო 10 | 5 | 1 | 4 | 1
_____________________________________
მაშერანო 2 | 2 | 0 | 0 | 0
_____________________________________