კარლოს ტევესი მესის ნაკრებში თამაშის გაგრძელებას თხოვს
ცნობილი არგენტინელი ფეხბურთელი, კარლოს ტევესი ლიონელ მესის ურჩევს, რომ სანაკრებო კარიერის დასრულებაზე ჯერ არ იფიქროს.
როგორც იცით, წარუმატებელი ტურნირის შემდეგ მესის მსგავსი გადაწყვეტილება ერთხელ უკვე აქვს მიღებული. შემდეგ მან ნაკრებში დაბრუნება გადაწყვიტა, მაგრამ ჩემპიონატზე, რომელზეც მისგან ყველაზე მეტს ელოდნენ, ხელი მოეცარა.
"ჩემი აზრით, ლეომ საკუთარ თავზე უნდა იფიქროს. არგენტინის ნაკრებს ის სჭირდება, ის ამ გუნდის სულია და როგორც არგენტინელი, მას ვეუბნები, რომ აქ კიდევ დიდხანს უნდა იყოს. დიდ შეცდომას ვუშვებთ, როცა მას არ ვუქმნით პირობებს, რომელიც ეკუთვნის და რომელიც საჭიროა იმისთვის, რომ მესიმ კარგ გუნდს ულიდეროს.. ნაკრებში არ არის შემუშავებული პროექტი, რომელშიც ის თავს კომფორტულად იგრძნობს და რომელშიც, ყველას საქმის გაკეთება თავად არ მოუწევს. ასეთი პასუხისმგებლობის აღება ძალიან რთულია, ასე რომ მესის არგენტინის წარუმატებლობაში ვერ დავადანაშაულებთ.
ახლა კი, ვურჩევ, დაისვენოს, სიტუაცია ცივი გონებით განსაჯოს და ნაკრებში თამაში გააგრძელოს. ჩვენ ის ძალიან გვჭირდება და ასე იქნება იქამდე, სანამ ის ფეხბურთს ითამაშებს". - აცხადებს ტევესი.
ამ სიახლეზე კომენტარები გათიშულია.
კომენტარები [ 4 ]