არტურო ვიდალი სამედიცინო შემოწმებას ხვალ გაივლის

"ბაიერნის" ყოფილი ნახევარმცველი, არტურო ვიდალი "ბარსელონას" უახლოეს დროში შეუერთდება.

როგორც მოგეხსენებათ, კატალონიელებმა მიუნხენელებთან ჩილელის ტრანსფერზე შეთანხმებას ოფიციალურად მიაღწიეს. Mundo Deportivo-ს ინფორმაციით, ვიდალი სამედიცინო შემოწმებას ხვალ, 6 აგვისტოს გაივლის. თუ შემოწმების დროს არანაირი პრობლემა არ გამოვლინდება, ფეხბურთელი სამწლიან კონტრაქტს გააფორმებს, რის შემდეგაც მისი პრეზენტაცია შედგება.