"ბარსა ბ"-მ დამაჯერებლად მოიგო [VIDEO]

გუშინ, "ბარსელონა ბ"-მ ესპანეთის ჩემპიონატის მე-3 დივიზიონის მე-5 ტურის შეხვედრა გამართა და დამაჯერებლად მოიგო.

ახლალგაზრდა კატალონიელები "კონკენსეს" ეწვივნენ, რომელიც მათ 3 ქულით უსწრებდა.

ფრანსისკო პიმიენტას გუნდმა რაფა მუხიკას ბრწყინვალე თამაშით მოიგო - შეხვედრის სამივე გოლი 19 წლის ფეხბურთელმა გაიტანა.

აღსანიშნავია მოედანზე ორიოლ ბუსკეტსის გამოჩენა. 19 წლის საყრდენი ნახევარმცველი 7-თვიანი შესვენების შემდეგ დაბრუნდა.

"ბარსა ბ"-მ, რომელმაც გათამაშება ორი მარცხით დაიწყო, ბოლო 3 ტურში 7 ქულა აიღო და მე-6 ადგილზე გადაინაცვლა.

კონკენსე-ბარსელონა ბ 0:3

ბარსელონა ბ: კარევიჩი, გულემი, ჩუმი, კუენკა, მინგესა (მორერი 78), სარსანედასი, ბალუ (აბელ რუისი 73), რიკი პუჩი, მუხიკა, კოლიადო (ორიოლ ბუსკეტსი 89), კიკე სავერიო

გოლები: 0:1 მუხიკა 48, 0:2 მუხიკა 52, 0:3 მუხიკა 70