პაკო ალკასერმა ბუნდესლიგის რეკორდი გაიმეორა

"ბარსელონადან" "დორტმუნდში" განათხოვრებული პაკო ალკასერი გერმანიის ბუნდესლიგის ისტორიაში შევიდა.

25 წლის ესპანელმა თავდამსხმელმა, "აუგსბურგთან" დღეს 4:3 მოგებულ შეხვედრაში ჰეთ თრიქი გაიფორმა და გუნდს 3 ქულა მოუტანა.

ალკასერს, ბუნდესლიგაში ჩატარებულ 3 თამაშში უკვე 6 გოლი დაუგროვდა. ეს ამ ტურნირის ისტორიაში მხოლოდ მე-2 შემთხვევაა, როდესაც ფეხბურთელმა, თავისთვის პირველ სამ თამაშში 6 გოლი გაიტანა. პირველად ეს შორეულ 1964 წელს, "ჰამბურგის" ფეხბურთელმა, გერტ დიორფელმა გააკეთა.

აღსანიშნავია, რომ ალკასერს 6 გოლის გასატანად მხოლოდ 81 წუთი დასჭირდა. "აინტრახტთან" მან 23 წუთი ითამაშა და ერთი გოლი გაიტანა, "ლევერკუზენთან" 27 წუთი ითამაშა და 2-ჯერ გაიტანა, ხოლო "აუგსბურგთან" 31 წუთი ითამაშა და თავი 3-ჯერ გამოიჩინა.