ბუსკეტსი: "ბარსელონამ" ბევრი მომენტი ვერ შექმნა

"ბარსელონას" ნახევარმცველმა, სერხიო ბუსკეტსმა "ვალენსიასთან" თამაში შეაფასა. 

"ვფიქრობ, მეტოქეს თითქმის ყველა კომპონენტში ვაჯობეთ, მაგრამ საკმარისი რაოდენობის სახიფათო მომენტების შექმნა ვერ შევძელით. 

გუნდი პირველ ტაიმშიც კარგი იყო, მაგრამ "ვალენსიას" სწრაფმა გოლმა თამაშზე დიდი გავლენა მოახდინა და საქმე გაგვირთულა. მესის გოლის შემდეგ მეგონა, რომ მეტოქე ფეხბურთელები უფრო გაიშლებოდნენ, თუმცა ასე არ მოხდა. 

ძალიან თანაბარი ჩემპიონატია". - განაცხადა ბუსკეტსმა.