ერნესტო ვალვერდე "სევილიასთან" მატჩის წინ

"ბარსელონას" მთავარი მწვრთნელი, ერნესტო ვალვერდე, "სევილიასთან" ხვალ გასამართ მატჩზე საუბრობს. 

"სევილია" კარგ ფორმაშია, მათ სეზონი კარგად დაიწყეს და ახლა ჩვენი ამოცანაა, ლიდერობა წავართვათ. თუმცა, პაბლო მაჩინს გუნდის როტაციის საშუალება აქვს, ისინი ყველაფრისთვის მზად არიან. 

სამუელ უმტიტი მკურნალობის პროცესს აგრძელებს. იმედი მაქვს, ის მალე დაბრუნდება, რადგან წინ რთული და მნიშვნელოვანი თამაშები გვაქვს და მისი დახმარება დაგვჭირდება. 

უახლოეს პერიოდში, ჩვენს წინაშე სამი მთავარი გამოწვევაა: ჯერ ლა ლიგაში პირველი ადგილი უნდა დავიბრუნოთ, შემდეგ ჩემპიონთა ლიგაზე "ინტერი" დავამარცხოთ, შემდეგ კი "ელ კლასიკო" მოვიგოთ". - აცხადებს ვალვერდე.