"ბარსელონა" ზაფხულის ტრანსფერებისთვის 200 მილიონს ამზადებს

Football Espana-ს მიერ გავრცელებულ ინფორმაციას თუ დავუჯერებთ, "ბარსელონა" ზაფხულის სატრანსფერო ფანჯრის პერიოდში ტრანსფერებისთვის 200 მილიონ ევროს გამოყოფს.

წყაროს ცნობით, კატალონიური კლუბი 130 მილიონ ევროს ამსტერდამის "აიაქსის" ორ ფეხბურთელში გადაიხდის - ცენტრალურ მცველში, მატიას დე ლიგტსა და ნახევარმცველში, ფრენკი დე იონგში. "ბარსა" თანხის დარჩენილ ნაწილს თავდამსხმელში დახარჯავს. გავრცელებული ცნობებით, კატალონიელები "ლივერპულის" შემტევის, რობერტო ფირმინოს შეძენას შეეცდებიან.