ერნესტო ვალვერდე "ელ კლასიკოს" წინ

"ბარსელონას" დამრიგებელმა, ერნესტო ვალვერდემ, ხვალ გასამართი "ელ კლასიკოს" წინ, პრესკონფერენცია გამართა და რამდენიმე საინტერესო განცხადება გააკეთა.

"კლასიკო" მრავალი ასპექტის დაპირისპირებაა - ტაქტიკური, ემოციური... ორი კარგი თამაშის შემდეგ, წინ კვირის ბოლო გამოწვევა გველის.

სასტარტო შემადგენლობა უკვე გადაწყვეტილი მაქვს, მაგრამ არ გეტყვით. რაფინიამ წინა შეხვედრაში კარგად ითამაშა, მაგრამ ეს სხვა თამაშია.

"რეალის" მწვრთნელის გარშემო შექმნილ ვითარებაზე არ ვფიქრობთ. ჩვენი საფიქრალი მეტოქე გუნდია.

სეზონის დასაწყისში იყო მომენტები, როდესაც "რეალი" ძალიან კარგად თამაშობდა. ახლა, მეტოქეს რთული პერიოდი აქვს. თუმცა, როგორც უკვე ვთქვი, მადრიდელებს კრიშტიანუ რონალდუს დანაკლისის შესავსებად საკმარისი რესურსი აქვს.

მესისთან თუ მესის გარეშე, ყოველთვის ჩვენი თამაში უნდა ვაჩვენოთ. უნდა გავერთიანდეთ როგორც კარგ, ასევე ცუდ მომენტებში. სწორედ ეს გავაკეთეთ ლა ლიგაში, გასულ სეზონში.

"რეალი" ბევრ საგოლე მომენტს ქმნის, მაგრამ ახლა, მადრიდელებს შეტევაში არ უმართლებთ. ამ გუნდს შეუძლია თამაშში 12 საგოლე მომენტი შექმნას, რაც მისი შეტევის მაღალ დონეზე მიგვითითებს.

დემბელეს ქცევა? არასტაბილურობის მიზეზი ეს არაა. თუ მან ცოტათი დააგვიანა, ამას მნიშვნელობა არ აქვს. თამაშის წინა საუბრისას, ის შესაბამის დროს შესაბამის ადგილზე იყო. დემბელეს შეუძლია ბევრი რამ მოგვცეს.

გულშემატკივრებს ფუნდამენტალური მნიშვნელობა აქვთ. ვიცით, რომ ისინი პირველივე წუთებიდან გაგვამხნევებენ და თუ ზოგ ეპიზოდში საქმე კარგად არ წავიდა, ისინი ჩვენთან იქნებიან. მათთან ერთად უფრო ძლიერები ვართ.

მესისა და რონალდუს არყოფნის გამო "კლასიკოს" მნიშვნელობა არ მცირდება. ეს დაპირისპირება დიდი ხანია არსებობს.

ხვალ 3 ქულაზე მეტისთვის ვითამაშებთ: 3 ძალიან მნიშვნელოვანი ქულა და ემოციური ფაქტორი.

არ ვიცი, "რეალის" გაწვრთნა "ბარსაში" მუშაობაზე ადვილი არის თუ არა. "რეალში" არ მიმუშავია, მაგრამ "ბარსელონას" გაწვრთნა ცოტათი რთულია (იცინის).

დაძაბულ თამაშს ველი.

შევეცდებით, ბურთი შევინარჩუნოთ და ჩვენი თამაში ვაჩვენოთ.

არტურთან, ოთხშაბათის თამაშზე, არ მისაუბრია. წინ განსხვავებული თამაში გველის, რომელიც მისთვის პირველი იქნება. ის ფორმაშია და გუნდის თამაშში ძალიან კარგად ჩაეწერა.

ვფიქრობ, მესის არყოფნაში, კოუტინიომ კიდევ უფრო მოუმატა. თუმცა, მიგვაჩნია, რომ მას მეტი შეუძლია და ამას ველით.

არა მგონია, შემიძლია ლოპეტეგის გათავისუფლება გამოვიწვიო."