ჟორდი ალბა: "კლასიკოში" გამარჯვება ჩემპიონთა ლიგის მოგებას ჰგავს
"ბარსელონას" მარცხენა მცველი ჟორდი ალბა, გუშინ გამართულ "ელ კლასიკოზე" (5:1) კომენტარს აკეთებს.
"თავისუფალ სივრცეებს ვპოულობდით და ვიცოდით, როგორ უნდა გვემოქმედა. მეტოქეს უამრავი პრობლემა შევუქმენით და ძალიან კმაყოფილები ვართ. ვინც მოედანზე გამოვიდა, ყველამ კარგად ითამაშა.
ვფიქრობ, ყოველმხრივ შესანიშნავი პერიოდი მიდგას. ცხოვრებაში ყველაფერი ძალიან კარგად მიმდის.
"ბარსელონას" გულშემატკივარი ვარ და კოუტინიოს გოლი ასე ამიტომ აღვნიშნე. "ელ კლასიკოში" მოგება თითქმის ჩემპიონთა ლიგაზე გამარჯვების ტოლფასია.
მეორე ტაიმის დასაწყისში გაგვიჭირდა. მეტოქეს ანგარიშის გათანაბრება შეეძლო.
რაც შეეხება მესის არყოფნას - ის ყოველთვის დაგვაკლდება. მის გარეშე "ინტერი" და "რეალი" დავამარცხეთ, მაგრამ მაინც გვინდა, რომ ის ჩვენთან იყოს.
მოედანზე ერთმანეთის კარგად გვესმის. ყველაფერი კარგად მიდის. თამაშს ვუმატებთ და ახლა უკვე თასზე გასამართ დაპირისპირებასა და "რაიო ვალიეკანოსთან" შეხვედრაზე ვფიქრობთ." - ციტირებს ალბას სიტყვებს AS.
ამ სიახლეზე კომენტარები გათიშულია.
კომენტარები [ 2 ]