"ბარსელონას" საჩუქარი "რაიოს" თანამშრომელს

"რაიოსა" და "ბარსელონას" შორის გუშინ გამართული შეხვედრა (2:3) განსაკუთრებული იყო მადრიდული გუნდის დელეგატისთვის, ისიდორო პრიეტისთვის.

"რაიოს" დელეგატი, 30-წლიანი მუშაობის შემდეგ, კლუბს გუშინ გამოეთხოვა. როგორც ჩანს, ამის შესახებ წინასწარ იცოდნენ "ბარსელონაში" და კატალონიელებმა პრიეტს სამახსოვრო საჩუქარი გაუკეთეს - "ბარსას" დელეგატმა, კარლოს ნავალმა, მას კლუბის მაისური გადასცა.