"ბარსელონამ", შესაძლოა, ჯოშუა კიმიხი შეიძინოს

მიუნხენის "ბაიერნის" მარჯვენა მცველი, ჯოშუა კიმიხი ზამთარში, შესაძლოა, "ბარსელონაში" გადავიდეს.

Mundo Deportivo-ს ინფორმაციით, კატალონიური კლუბი ზამთრის სატრანსფერო ფანჯარაზე დაცვის ხაზის გაძლიერებას გეგმავს და შეძენის ერთ-ერთი კანდიდატი სწორედ ბავარიელთა მოთამაშეა.

"ბარსელონას" სკაუტები კიმიხის თამაშს დააკვირდნენ და დარწმუნდნენ, რომ ის "ბლაუგრანას" სათამაშო სტილს შეესაბამება. მაგრამ, გერმანელი ფეხბურთელის გაფორმება საკმაოდ რთული იქნება, ვინაიდან მისი კონტრაქტი "ბაიერნთან" 2023 წლამდე მოქმედებს.