"ბარსელონა" ბრაზილიელ მცველს აკვირდება

"ბარსელონა" 20 წლის ბრაზილიელი მცველით, ედერ მილიტაოთი დაინტერესდა. "პორტუს" ფეხბურთელის ბოლო თამაშს, "ბოავიშტასთან", რამდენიმე კლუბის წარმომადგენლები, მათ შორის კატალონიური გუნდის სკაუტები ესწრებოდნენ. 

მილიტაო მარცხენა მცველია და თამაში ცენტრალურ დაცვაშიც შეუძლია. ის "სან პაულოს" აღზრდილია, პორტუგალიურ კლუბს კი ზაფხულში შეუერთდა და 14 მატჩში მიიღო მონაწილეობა. 

სექტემბერში, მილიტაოს სანაკრებო დებიუტიც ჰქონდა. სალვადორის ნაკრების წინააღმდეგ მან ბრაზილიის ეროვნული გუნდის მაისურით 90 წუთი გაატარა.