არტური: წილისყრაზე არ უნდა ვიფიქროთ

"ბარსელონას" ბრაზილიელი ნახევარმცველი არტური უსმან დემბელეზე, საკუთარ ჯანმრთელობის მდგომარეობასა და ჩემპიონთა ლიგაზე საუბრობს.

"დემბელე ვარსკვლავია. რასაც ის აკეთებს, ძალიან ძნელი შესასრულებელია. ჩვენ მას უნდა დავეხმაროთ და პირიქით.

100%-ით გამოვჯანმრთელდი. თერაპევტსა და კლუბის ექიმებს, ფანტასტიკურად მუშაობისთვის, მადლობა უნდა ვუთხრა. ეს პროცესი, ჩემთვის, მნიშვნელოვანი იყო.

ჩემპიონთა ლიგის 1/8-ფინალში გასული ყველა გუნდი ძლიერია. წილისყრაზე არ უნდა ვიფიქროთ. იოლი თამაშები არ გველის. მეტოქის თამაში უნდა გავაანალიზოთ და ვნახოთ, სად შეგვიძლია მომატება."