წლის უკანასკნელი ბრძოლა მესის და რონალდუს შორის

სეზონის პირველი ნახევრის ბოლო დღეებში, ლეო მესი და კრიშტიანუ რონალდუ ერთმანეთს წლის საუკეთესო ბომბარდირის წოდებისთვის შეებრძოლებიან. 

წინა მატჩში ჰეთ-თრიქის შესრულების შემდეგ, "ბარსელონას" კაპიტანმა 47 გოლი დააგროვა და პორტუგალიელს 3-ით გაუსწრო. თუმცა, ინტრიგა ჯერ კიდევ არის შენარჩუნებული: რონალდუს კიდევ სამ თამაშში შეუძლია მონაწილეობის მიღება, მესი კი მხოლოდ ერთხელ, ხვალ, "სელტას" წინააღმდეგ ითამაშებს. 

რონალდუ სერია ა-ში "იუვენტუსთან" ერთად ორ საშინაო მატჩს გამართავს: "რომასთან" და "სამპდორიასთან", სტუმრად კი "ატალანტას" დაუპირისპირდება. 

რაც შეეხება ამ სეზონს, კრიშტიანუს ჩემპიონატში 11 გოლი აქვს გატანილი, მესის კი - 14. არგენტინელს უპირატესობა ჩემპიონთა ლიგაზეც აქვს: მის ანგარიშზე 6 გოლია, რონალდუ კი მას 5 გოლით ჩამოუვარდება.