"ბარსელონა" დენის სუარესს ულტიმატუმს უყენებს

კატალონიის "ბარსელონას" ხელმძღვანელობამ მიიღო გადაწყვეტილება, რომლის თანახმად, დენის სუარესი რეზერვში გადავა და სეზონის ბოლომდე მოედანზე ვერ ითამაშებს. კლუბი ფეხბურთელისგან მოითხოვს, რომ მან მიმდინარე სატრანსფერო ფანჯარაზე გამოიცვალოს სათამაშო ადგილი. იტყობინება, Cadena Ser.

ახლად გავრცელებული ინფორმაციის თანახმად, დენის სუარესის სანაცვლოდ "სევილია" და "ბეტისი" 20 მილიონ ევროს იხდიან, თუმცა ფეხბურთელს პირობები არ აკმაყოფილებს. ნახევარმცველს გადასვლა მხოლოდ "არსენალში" სურს, ამისთვის კი მას კატალონიელებთან კონტრაქტის გახანგრძლივება, კიდევ ერთი წლით მოუწევს. 

შეგახსენებთ, რომ 25 წლის სუარესი "ბარსელონას" 2016 წელს შეუერთდა, მიმდინარე სეზონში კი სათამაშო პრაქტიკა თითქმის აღარ აქვს.