ალენია: "არბიტრის ქმედებები უცნაური იყო"

"ჩემი ტრავმა? ეს წარსულია და ახლა ფიზიკურად, 100%-ით კარგად ვგრძნობ თავს. ჩემი ცვლილება მწვრთნელის გადაწყვეტილება იყო და მიზეზი დაზიანება არ ყოფილა.

მესის ტრავმა? ვფიქრობ, აქ სანერვიულო არაფერია. ვიმედოვნებ, ლეო კარგად იქნება, მან დღევანდელი მატჩი სრულად ითამაშა.

დამატებული 2 წუთი? ეს ძალიან უცნაური იყო. მეტოქის მეკარემ წუთნახევარი მხოლოდ ბურთის თამაშში შეყვანაზე დახარჯა, ფეხბურთელები მოედანზე წვებოდნენ და დროის გაყვანას ცდილობდნენ. პირველ ტაიმში არბიტრმა 3 წუთი დაამატა, რთული გასაგებია." - განაცხადა ალენიამ.