ჟერარ პიკე: უკეთესად თამაში გვმართებს

"ბარსელონას" ცენტრალურმა მცველმა, ჟერარ პიკემ "ვალიადოლიდთან" გამარჯვების (1:0) შემდეგ კომენტარი გააკეთა.

"ჩვენ ძალიან კარგად არ გვითამაშია და საუკეთესო მატჩი ვერ ჩავატარეთ. მაგრამ კარგია, რომ გავიმარჯვეთ და ქულები კვლავ ავიღეთ. სამშაბათს ჩვენ უკეთ უნდა ვითამაშოთ.

როდესაც ბურთით სწრაფად არ ვმოძრაობთ და თამაშს არ ვაკონტროლებთ, ჩვენ უფრო სუსტი გუნდი ვხდებით. ეს ჩვენც ვიცით და მეტოქეებმაც. უკეთესად თამაში გვმართებს.

ჩვენ ბევრი მატჩი გველის და როცა სამ-ოთხ მატჩს ზედიზედ თამაშობ, ფეხები იღლება. არ გვქონდა სისუფთავე, რომელიც გვინდოდა. დასვენება? ამას მწვრთნელი გადაწყვეტს. ზოგჯერ ის მეკითხება და მას ვეუბნები, რომ მე გუნდის განკარგულებაში ვარ.

პენალტის ეპიზოდი? მე შემეხეს და წამაქციეს. მოედანზე დავეცი და ვფიქრობ, რომ ეს ჯარიმაა. ტელევიზორში, შესაძლოა, სხვაგვარად გამოჩნდეს. მაგრამ ჩემთვის საკმარისია, რომ პენალტი დაინიშნა." - განაცხადა პიკემ.