ნეიმარი: "ბარსელონაში" გატარებული დრო მენატრება

"ბარსელონას" ყოფილი და ამჟამად "პარი სენ-ჟერმენის" ვარსკვლავი ნეიმარი კიდევ ერთხელ აღიარებს, რომ კატალონიური გუნდი ენატრება.

ნეიმარი "ბარსელონას" 2013 წლის ზაფხულში "სანტოსიდან" 88.2 მილიონ ევროდ შეუერთდა, ბრწყინვალედ გატარებული 4 წლის შემდეგ კი ფრანგულ პსჟ-ში რეკორდული 222 მილიონი ევროს სანაცვლოდ გადავიდა. მან კატალონიელთა რიგებში 186 მატჩი ჩაატარა, 105 გოლი გაიტანა და 76 შედეგიანი გადაცემა გააკეთა. ბრაზილიელმა "ბარსასთან" ერთად 9 ტიტული მოიგო.

"2015 წელს შესანიშნავი სეზონი ჩავატარეთ. ძალიან კარგი გუნდი ვიყავით როგორც მოედანზე, ისე მის ფარგლებს გარეთაც. განსაკუთრებული ურთიერთობა გვქონდა. ეს მომენტები ძალიან მენატრება." - აცხადებს ნეიმარი Otro-სთან ინტერვიუში.