ნოლიტო "ბარსას" ტოვებს

როგორც კატალონიური ყოველდღიური სპორტული გამოცემა, "სპორტი" იუწყება, მანუელ აგუდო დურანი მზადაა "ბარსა" დატოვოს და მომავალ სეზონში პორტუგალიური "ბენფიკას" ფორმა მოირგოს...

"ბარსა ბ"–ს 24 წლის თავდამსხმელს, ნოლიტოს გადაწყვეტილი აქვს დატოვოს "ბარსელონა" და პორტუგალიაში გადაბარგდეს. ეს ყველაფერი კი ალბათ მხოლოდ და მხოლოდ იმ თანხის გამო, რომელსაც ნოლიტო "ბენფიკაში" გადასვლის შემდეგ მიიღებს. როგორც "სპორტი" გვამცნობს, იგი სეზონში 900 ათასი ევროს მიღებას შეძლებს. პორტუგალიური კლუბი მას 4 წლიან კონტრაქტს შესთავაზებს. შეგახსენებთ, რომ ნოლიტო "ბარსაში" 2008 წელს, მესამე დივიზიონის გუნდიდან, "Ecijia"-დან გადმოვიდა.