ჩემპიონთა ლიგის წყევლა დასრულდა - "ბარსელონა" ნახევარფინალშია

მადრიდის "ატლეტიკოსთან", ტურინის "იუვენტუსთან" და "რომასთან", ზედიზედ სამჯერ გამოვარდნის შემდეგ, "ბარსელონამ" მეოთხედფინალის წყევლას ბოლო მოუღო. კატალონიურმა გუნდმა "მანჩესტერ იუნაიტედი" ორი მატჩის ჯამში 4-0 დაამარცხა და ხანგრძლივი პაუზის შემდეგ, ჩემპიონთა ლიგის ნახევარფინალში ისევ გავიდა. 

პირველ შეხვედრაში, "ბარსამ" "ოლდ ტრაფორდზე" ერთბურთიანი უპირატესობა შეიქმნა, დღევანდელი საპასუხო მატჩი კი ლეო მესის დუბლით გახსნა. პირველი ტაიმი 2-0 დასრულდა, მეორში კი, 61-ე წუთზე, ფილიპე კოუტინიომაც გაიტანა. 

ნახევარფინალში, "ბარსელონას" მეტოქე "ლივერპული" ან "პორტუ" იქნება. ამ გუნდების პირველი დაპირისპირება ინგლისელების გამარჯვებით, 2-0 დასრულდა, განმეორებითი შეხვედრა კი ხვალ გაიმართება. 

პარალელურად, "აიაქსმა" ტურინის "იუვენტუსი" დაამარცხა და ნახევარფინალში "ბარსასთან" ერთად გავიდა.