"გრონინგენი" "ბარსელონას" აფრთხილებს: იაფად არცერთ ფეხბურთელს არ გავყიდით

"ბარსელონა" "გრონინგენის" ახალგაზრდა ნახევარმცველით, ლუდოვიტ რეისით ინტერესდება.

რამდენიმე დღის წინ, გავრცელდა ინფორმაცია, რომ რეიესი "ბარსელონაში" 2.5 მილიონ ევროდ გადავიდოდა. ამას "გრონინგენის" სპორტული დირექტორი გამოეხმაურა: "ეს რეალური ფასი არ არის. ჩვენ, ასე იაფად, არცერთ ფეხბურთელს არ გავუშვებთ. მოლაპარაკებები მიმდინარეობს, მაგრამ არანაირი შეთანხმება არ არსებობს. არ ვაპირებ იმაზე ლაპარაკს, თუ რა თანხებზეა საუბარი, მაგრამ გავრცელდა ინფორმაცია 12-14 მილიონზე, რაც სიმართლეს არ შეესაბამება." - ისაუბრა ჰანს ნეილანდმა, RTV Noord-თან ინტერვიუში.