როგორ ემზადება კლემან ლანგლე თამაშისთვის

"ბარსელონას" ცენტრალური მცველი კლემან ლანგლე, El Periodico-სთვის მიცემულ ინტერვიუში, საკმაოდ საინტერესოდ აღწერს პროცესს, თუ როგორ ემზადება ის თითოეული მატჩისთვის.

"როდესაც 18 წლის ვიყავი, ჩემი შეძენა "იუვენტუსს" სურდა, მაგრამ ეს ტრანსფერი, ჩემი კარიერისთვის, დიდი რისკი იქნებოდა. ამის დრო ჯერ არ იყო.

"კამპ ნოუზე" ჩემს პირველ თამაშში, "სევილიასთან" ერთად, 0:3 წავაგე. ლეომ 2-ჯერ გაიტანა და სუარესმა ერთხელ. ჩემთვის, ეს სასტიკი გაკვეთილი იყო. ზოგჯერ შეიძლება წააგო, მაგრამ საბოლოოდ იმაზე მეტი მოიგო, ვიდრე იმ დროს ფიქრობდი.

ყოველი თამაშის შემდეგ მამას ვურეკავ. ჩვენ დადებით და უარყოფით მხარეებზე ვსაუბრობთ. ის პროგრესში მეხმარება. ყველაფრის ანალიზი მიყვარს.

თამაშის დამთავრებისთანავე, იმავე ღამეს, ჩანაწერს ვუყურებ და მას ვაანალიზებ.

იმ თავდამსხმელებზე, რომლებსაც უნდა დავუპირისპირდე, ვიდეოებს ვუყურებ. ვაკვირდები, რისი კეთება უყვართ მათ. ყურადღებას ვაქცევ დეტალებს, მათ დრიბლინგს, მოძრობას, როგორ მოქმედებენ კონკრეტულ სიტუაციებში, რომელია მათი საყვარელი ფეხი.

მინდა სრული ინფორმაცია მქონდეს - როგორ უყვარს რობერტსონს ჩაწოდება და რომელ ძელთან თამაშს ანიჭებს უპირარტესობას ფირმინო.

როგორც წესი, ანალიზს მარტო, სახლში ვატარებ ხოლმე. ზოგჯერ ამას სასტუმროში ვაკეთებ, თუ სტუმრად ვთამაშობთ. განსაკუთრებულ აქცენტს იმ ფეხბურთელებზე ვაკეთებ, რომლებიც საჯარიმოში თმაშობენ, რადგან მათ წინააღმდეგ დაცვა მიწევს. მაგალითად, ერიკსენი "ტოტენჰემიდან" და ბენზემა "რეალიდან".

არ ვაპირებ, ანალიზისგან გამოწვეულ რუტინას შევეშვა. თითო ფეხბურთელზე თითო ვიდეო ხუთ წუთს გრძელდება.

პიკე ძალიან ჭკვიანი მცველია. ის ძალიან მეხმარება. მასთან ერთად ყველაფერი უფრო მარტივია.

თამაშის დროს ბევრს არ ვლაპარაკობ. ჩემი პოზიციის ფეხბურთელს საქმე სიამოვნების მისაღებად არ აქვს. ჩვენ უნდა თავი დავიცვათ, დავბლოკოთ დარტყმები და ბურთი ნახევარდაცვამდე მივიტანოთ."