გილერმო ამორის უცნაური გადაწყვეტილება "ბარსას" ახალგაზრდულ გუნდთან დაკავშირებით

"ბარსელონას" საფეხბურთო აკადემიის დირექტორმა, გილერმო ამორმა თავი საკმაოდ უჩვეულო გადაწყვეტილებით გამოიჩინა.

Sport-ის ცნობით, ამორმა "ბარსელონას" "ჟუვენილ ბ"-ს 6 ფეხბურთელს აცნობა, რომ ისინი, მომდევნო სეზონიდან, კატალონიურ კლუბში აღარ ითამაშებენ.

რა არის ამაში უცნაური? ორი რამ: 1. სეზონი ჯერ არ დასრულებულება; 2. უჩვეულოა, როდესაც აკადემიის დირექტორი ფეხბურთელებს მსგავს ინფორმაციას პირადად აწვდის. განსაკუთრებით გასაკვირია ის, რომ ასეთი რამ არასრულწლოვან ფეხბურთელებთან დაკავშირებით მოხდა.

გილერმო ამორი თავადაც "ბარსელონას" სკოლის აღზრდილია. "ლა მასიაში" ის 8 წლის განმავლობაში ირიცხებოდა, შემდეგ კი, 10 წელი, "ბლაუგრანას" პირველ გუნდში თამაშობდა. ამის გათვალისწინებით, გასაკვირია, რომ ამორმა "ბარსასთვის" ასეთი უჩვეულო გადაწყვეტილება მიიღო.