"ბარსას" მსოფლიოს ჩემპიონატზე ყველაზე მეტი წარმომადგენელი ეყოლება

2019 წლის მსოფლიო ჩემპიონატზე "ბარსელონას" ქალთა გუნდს კლუბებს შორის ყველაზე მეტი წარმომადგენელი ეყოლება. 

მუნდიალზე "ბარსას" 15 ფეხბურთელი ითამაშებს. მეორე ადგილზე ევროპის ყველაზე ძლიერი გუნდი, "ლიონია" - 14 წარმომადგენლით.  

ყველაზე მეტი მოთამაშე ესპანეთის ნაკრებშია. ესენი არიან: სანდრა პანიოსი, მარტა ტორეხონი, ანდრეა პერეირა, მარია ლეონი, ლეილა უააბი, პატრი გიხარი, ვიკი ლოსადა, აიტანა ბონმატი, ალეშა პუტეიასი, მარიონა კალდენტეი; ასევე არის ორი ჰოლანდიელი - ლიკე მარტენსი და სტეფანი ვან დერ გრაგტი, ბრაზილიელი ანდრესა ალვესი, ინგლისელი ტონი დუგანი და ნიგერიელი ასისატ ოშოალა. 

კიდევ ერთი მოთამაშე, კაროლინ ჰანსენი, რომელიც ნორვეგიის ნაკრების ღირსებას დაიცავს, "ბარსელონას" სატრანსფერო ფანჯრის გახსნის შემდეგ შეუერთდება. 

მსოფლიოს თასი საფრანგეთში 7 ივნისიდან 7 ივლისამდე ჩატარდება. მოქმედი ჩემპიონი აშშ-ს ნაკრებია.