ტიაგო სილვა: მესი საუკეთესოა
ბრაზილიის ეროვნული ნაკრების ცენტრალური მცველი ტიაგუ სილვა კოპა ამერიკის 1/2-ფინალში არგენტინასთან გასამართი მატჩის წინ მეტოქე გუნდის ლიდერზე, ლიონელ მესიზე საუბრობს.
"მესი საუკეთესო ფეხბურთელია, ვინც ოდესმე მინახავს. მე არ მინახავს პელესა და მარადონას თამაში, მაგრამ მინახავს რონალდო, ადრიანო, მითამაშია ზეედორფთან ერთად, მაგრამ მესი შეუდარებელია.
ყოველთვის, როდესაც ჩვენ ერთმანეთს ვხვდებით, იქნება ეს სანაკრებო დონეზე თუ ჩემპიონთა ლიგაზე, ძალიან მიჭირს. არ აქვს მნიშვნელობა, რამდენ დროს დაახარჯავ მისი თამაშის შესწავვლას, მის თვისებებს ბოლომდე მაინც ვერ შეისწავლი. ზოგჯერ, ის ისეთ რამეს გააკეთებს, რასაც ვერასდროს წარმოიდგენდი. ცენტრალურ მცველს ყველა შესაძლო ვარიანტი შესწავლილი უნდა ჰქონდეს. ჩვენ ვიცით, რომ მას ბურთი თითქმის ყოველთვის მარცხნივ მიაქვს, მაგრამ არის შემთხვევები, როდესაც ის პირიქით იქცევა." - ციტირებს ტიაგუ სილვას სიტყვებს Goal.
ამ სიახლეზე კომენტარები გათიშულია.
კომენტარები [ 5 ]