"იუვენტუსს" დანიელე რუგანის "ბარსელონაში" გაყიდვა სურს

ტურინის "იუვენტუსს" სურს, რომ გუნდის ცენტრალური მცველი, დანიელე რუგანი "ბარსელონას" მიჰყიდოს, იტყობინება Tuttosport, Football Italia-ზე დაყრდნობით.

წყაროს ცნობით, იტალიური კლუბის სპორტული დირექტორი, ფაბიო პარატიჩი ბარსელონაში გამგზავრებას აპირებს, რათა მოთამაშის ტრანსფერზე მოლაპარაკებები აწარმოოს. კატალონიური კლუბი რუგანით 2018 წელს ინტერესდებოდა, თუმცა მაშინ ტურინელებმა მის გაყიდვაზე უარი თქვეს.

ამ მომენტისთვის, 25 წლის იტალიელი მცველი "ბებერი ქალბატონის" გეგმებში აღარ შედის, ვინაიდან კლუბს ამ ზაფხულში მატიას დე ლიხტი და მერიჰ დემირალი შეუერთდნენ.