"იუვენტუსი" ნეიმარისთვის ბრძოლას უბრუნდება
იმ დროს, როდესაც "ბარსელონა" ნეიმარის იჯარით დამატებას ცდილობს, "რეალი" კი კატალონიელთა წარუმატებლობას ელოდება, ბრაზილიელისთვის ბრძოლაში ტურინის "იუვენტუსი" ბრუნდება.
მადრიდული AS-ის ცნობით, "ბებერი ქალბატონი" პსჟ-ს მომხიბვლელ წინადადებას სთავაზობს - პაულო დიბალას და დაახლოებით 100 მილიონ ევროს.
ბოლო დროს გავრცელებული ინფორმაციით, პარიზულ კლუბს ნეიმარის სწორედ დიბალათი შეცვლა სურს და არაა გამორიცხული, ფრანგები ამ შეთავაზებით მოიხიბლონ. მითუმეტეს, იმის გათვალისწინებით, რომ მათ ბრაზილიელის "ბარსელონაში" დაბრუნება არ უნდათ.
იმავე წყაროს ინფორმაციით, "იუვე" ნეიმარს პსჟ-ში არსებული ხელფასის შენარჩუნებას სთავაზობს, რაც ფეხბურთელისთვისაც ხელსაყრელი უნდა იყოს.
იტალიის ჩემპიონს პრობლემას ფინანსური ფეარ ფლეი უქმნის. ნეიმარის ტრანსფერისთვის 100 მილიონის გამოსაყოფად ტურინელებს, დიბალას გარდა, 3-4 ფეხბურთელის გაყიდვა მოუწევთ. საუბარია გონსალო იგუაინზე, მარიო მანჯუკიჩზე, ბლეზ მატუიდიზე და დანიელე რუგანიზე.
"იუვე" ნეიმარისთვის ბრძოლას უბრუნდება, "ბარსა" პსჟ-ს იჯარაზე დაყოლიებას ჯერჯერობით უშედეგოდ ცდილობს, "რეალი" კი პარიზელთა ამჟამინდელი მოთხოვნების დაკმაყოფილებას ვერ ახერხებს და სიტუაციის შეცვლას ელოდება.
როგორც ჩანს, წინ დაძაბული 2 კვირა გველის.
ამ სიახლეზე კომენტარები გათიშულია.
კომენტარები [ 5 ]