MD: "ბარსელონა" მესის უვადო კონტრაქტს შესთავაზებს

კატალონიურ პრესაში გავრცელებული ინფორმაციის თანახმად, "ბარსელონა" მზადაა გუნდის ლიდერს, ლეო მესის უვადო კონტრაქტი შესთავაზოს.

ცოტა ხნის წინ ცნობილი გახდა, რომ არგენტინელ ვარსკვლავს "ბარსელონას" დატოვება ყოველი სეზონის ბოლოს შეუძლია. დღეს კი გავრცელდა ინფორმაცია, რომ "ბლაუგრანას" პრეზიდენტი ჟოზეპ მარია ბართომეუ ლეოსთვის ახალი კონტრაქტის შეთავაზებას აპირებს.

Mundo Deportivo-ს ცნობით, ბართომეუს მესის მამასთან, ჟორჟე მესისთან კონტაქტი უკვე აქვს. საუბარია 2021 წლამდე მოქმედი კონტრაქტის უვადოდ გახანგრძლივებაზე. იგეგმება, რომ აქტიური მოლაპარაკებები 2019 წლის ბოლოს, ან 2020 წლის პირველ თვეებში დაიწყება.