ჩემპიონთა ლიგის გასვლით მატჩში სუარესის ბოლო გოლიდან 4 წელი გავიდა

ლუის სუარესი "ბარსელონას" ისტორიაში ერთ-ერთი საუკეთესო ბომბარდირია, მაგრამ ევროპის ყველაზე პრესტიჟული ტურნირი, უკვე დიდი ხანია, მისთვის წარუმატებელია. 

ურუგვაელმა ბოლო 3 სეზონში ჩატარებულ 29 შეხვედრაში მხოლოდ 5 გოლი გაიტანა, კონკრეტულად გასვლით მატჩებში კი მას ბევრად უფრო ცუდი შედეგი აქვს. 

ჩემპიონთა ლიგის სტუმრად გამართულ შეხვედრაში სუარესმა ბოლოს გოლის გატანა ზუსტად 4 წლის წინ, 2015 წლის 16 სექტემბერს მოახერხა - მან "რომას" (1-1) გაუტანა. 

ხვალ, სამხრეთ ამერიკელი 9-იანი "ბარსასთან" ერთად "სიგნალ იდუნა პარკზე" დორტმუნდის "ბორუსიას" დაუპირისპირდება და სტატისტიკური მდგომარეობის  გამოსწორებას ეცდება.