ანსუ ფატი ესპანეთის ნაკრებში გამოიძახეს
"ბარსელონას" 16 წლის ამომავალი ვარსკვლავი ანსუ ფატი, როგორც მოსალოდნელი იყო, მსოფლიოს 17-წლამდელთა ჩემპიონატის წინასწარ განაცხადში შეიყვანეს.
ფატიმ ესპანეთის მოქალაქეობა გასულ პარასკევს მიიღო. ამის მიზეზი ისაა, რომ ის მსოფლიო ჩემპიონატზე წაეყვანათ. As-ის ცნობით, ასეც ხდება - ფატი 17-წლამდელთა მუნდიალის წინასწარ განაცხადში მოხვდა. საბოლოო განაცხადი ოქტომბერში დასახელდება, მაგრამ ეჭვი არავის ეპარება, რომ ფატი იქაც მოხვდება.
მსოფლიოს 17-წლამდელთა ჩემპიონატი 26 ოქტომბერს დაიწყება და 17 ნოემბერს დამთავრდება. ამას ემატება მოსამზადებელი პერიოდიც და გამოდის, რომ ფატი "ბარსელონას" 7 თამაშს გამოტოვებს. ეს თამაშებია: ბარსელონა-ეიბარი, სლავია-ბარსელონა, ბარსელონა-რეალი, ბარსელონა-ვალიადოლიდი, ლევანტე-ბარსელონა, ბარსელონა-სლავია, ბარსელონა-სელტა.
ამ სიახლეზე კომენტარები გათიშულია.
კომენტარები [ 2 ]