RAC1: "ბარსელონამ" ვიქტორ ვალდესის შემცვლელი უკვე მოძებნა

კატალონიური RAC1-ის მიერ გავრცელებული ინფორმაციით, "ბარსელონამ" უკვე მოუძებნა შემცვლელი ვიქტორ ვალდესს, რომელსაც, სავარაუდოდ, მომდევნო კვირაში გაათვისუფლებს.

ვალდესი "ბარსას" 19-წლამდელთა გუნდის მწვრთნელად გასულ ზაფხულში დაინიშნა, მაგრამ ის უკვე გათავისუფლების ზღვარზეა. კლუბში რომ ვალდესის დათხოვნის საკითხს განიხილავენ, ამას "ბარსელონა" ოფიციალურად ადასტურებს.

RAC1-ის ინფორმაციით, თუ ვალდესის გათავისუფლება გადაწყდა, მას "ბარსას" 18-წლამდელთა გუნდის დამრიგებელი ფრანკ არტიგა შეცვლის.

37 წლის ფრანკ არტიგა, 18-წლამდელთა გუნდამდე 17-წლამდელთა გუნდში მუშაობდა, მანამდე კი, სხვა ასაკობრივ გუნდებში. ის ლა მასიაში 2010 წლიდან მუშაობს.