მესის დაუჯერებელი შედეგი ჩემპიონთა ლიგაზე

ლეო მესიმ სეზონი გვიან და მძიმედ დაიწყო. თუმცა, არგენტინელი, ნელ-ნელა, ფორმაში შედის.

ჩემპიონთა ლიგის მე-3 ტურში "სლავიასთან" გამართული შეხვედრა (1-2), მესისთვის, საუკეთესო ნამდვილად არ ყოფილა, მაგრამ ლეომ გოლი მაინც გაიტანა. გარდა ამისა, არგენტინელმა თავი 10 წარმატებული დრიბლინგით დაგვამახსოვრა, რაც ძალიან კარგი შედეგია.

მესი რისი მესია, მისი გენიალურობა მხოლოდ ერთ გატანილ გოლსა და 10 წარმატებულ დრიბლინგში რომ გამოიხატებოდეს. საქმე ისაა, რომ ლეოს ამდენივე შედეგიანი დრიბლინგი ჰქონდა ჩემპიონთა ლიგის მე-2 ტურში, "ინტერთან" გამართულ შეხვედრაშიც. ყველაზე პრესტიჟული საკლუბო ტურნირის ზედიზედ 2 მატჩში 10 წარმატებული დრიბლინგი კი მართლაც განსაკუთრებული შედეგია.