ერიკ აბიდალმა ბუსკეტსის შესაძლო შემცვლელს ბრაზილიაში მიაგნო

"ბარსელონას" სპორტული დირექტორი ერიკ აბიდალი ბრაზილიაში იმყოფება და სამხრეთ ამერიკელ ტალანტებს აკვირდება.

Sport-ის ცნობით, ფრანგი დირექტორის ყურადღება "კრუზეიროს" 20 წლის საყრდენმა ნახევარმცველმა, ედერსონმა მიიქცია.

ედერსონი "კრუზეიროში" პირველ სეზონს ატარებს. ის გუნდის სასტარტო შემადგენლობის წევრად არ ითვლება, მაგრამ მაინც ბრაზილიის ერთ-ერთ ამომავალ ვარსკვლავად მიიჩნევა. 20 წლის ფეხბურთელმა, მიმდინარე სეზონში, მოედანზე, შესაძლო წუთების 34% დაჰყო. 11 შეხვედრაში მან თავის 1 გოლით გამოჩენა მოახერხა.

კატალონიური პრესის ცნობით, "ბარსელონა" ედერსონს სერხიო ბუსკეტსის შესაძლო შემცვლელად მოიაზრებს. საიდუმლო არავისთვისაა, რომ 31 წლის ესპანელი ნახევარმცველი უმაღლეს დონეზე თამაშს კიდევ მხოლოდ რამდენიმე სეზონის განმავლობაში შეძლებს.