კოუტინიოს შეძენას "ტოტენჰემი" შეეცდება

მიუნხენის "ბაიერნის" ბრაზილიელი ნახევარმცველი, ფელიპე კოუტინიო, რომელიც "ბარსელონას" საკუთრებაა, შესაძლოა, ინგლისის პრემიერლიგაში დაბრუნდეს. იტყობინება, TMW. 

27 წლის ბრაზილიელის შეძენით ლონდონის "ტოტენჰემია" დაინტერესებული, რომელიც სავარაუდოდ მზადაა, მის სანაცვლოდ 120 მილიონი ევრო გადაიხადოს, იმ შემთხვევაში თუ "ბაიერნი" ფეხბურთელს არ გამოისყიდის. 

შეგახსენებთ, რომ კოუტინიო "ბარსელონამ" 2018 წლის ზამთარში "ლივერპულიდან" შეიძინა, მიმდინარე სეზონის დასაწყისში კი იგი გერმანიაში გაანათხოვრა.