კარლეს პერესი სეზონის ბოლომდე "ბარსა ბ"-ს ფეხბურთელი იქნება
Marca-ს ინფორმაციით, სეზონის ბოლომდე კარლეს პერესი "ბარსელონა ბ"-ს ფეხბურთელად იქნება დარეგისტრირებული. თუმცა ეს ფაქტი ესპანელს ხელს არ შეუშლის პირველ გუნდში ითამაშოს, როდესაც ამის საჭიროება იქნება.
პერესის კონტრაქტის მიხედვით, ესპანელი პირველი გუნდის ფეხბურთელი ავტომატურად გახდებოდა მას შემდეგ, რაც ვალვერდეს ხელმძღვანელობით შვიდ მატჩს ჩაატარებდა. პერესმა კონტრაქტის ეს პირობა უკვე დააკმაყოფილა, მაგრამ კლუბისა და შემტევის ერთობლივი შეთანხმებით, იგი კვლავ სარეზერვო გუნდში დარჩება. კარლეს ნებისმიერ დროს შეეძლება დაწინაურება ან ჩამოქვეითება, ეს ერნესტო ვალვერდეზე იქნება დამოკიდებული.
ანსუ ფატისა და კარლეს პერესს პირველ გუნდში სათამაშო საკმაო დრო მიეცათ და, შეიძლება ითქვას, ეს შანსი კარგადაც გამოიყენეს. "ლა მასიელებს" ერნესტო ვალვერდე საჭიროებისამებრ იყენებს.
ამ სიახლეზე კომენტარები გათიშულია.
კომენტარები [ 5 ]