რამდენი გამომწერი ჰყავს "ბარსელონას" სოციალურ ქსელებში?

"ბარსელონას" სოციალურ ქსელებში მსოფლიოს მასშტაბით მილიონობით გამომწერი ჰყავს.

Sporting Intelligenc-ის კვლევის მიხედვით, საერთო მონაცემებით, "ბლაუგრანა" მსოფლიოში მეორე ადგილს იკავებს. კლუბს საერთო ჯამში ინტერნეტსივრცეში 213.3 მილიონი გამომწერი ჰყავს. პირველ ადგილზე "რეალი" გავიდა. მადრიდული კლუბის გამომწერთა რაოდენობამ 223 მილიონი შეადგინა.

რაც შეეხება კონკრეტულ სოციალურ ქსელებს, "ბარსელონას" ყველაზე მეტი მიმდევარი, 103 მილიონზე მეტი, ფეისბუკზე ჰყავს. 79 მილიონზე მეტი გამომწერია ინსტაგრამზე,  31 მილიონზე მეტი კი ტვიტერზე. საუკეთესო ათეულში ლა ლიგიდან მხოლოდ "ბარსელონა" და "რეალი" არიან. ყველაზე მეტი კლუბი პრემიერ ლიგიდანაა. ათეულში ინგლისური გუნდებიდან "მანჩესტერ იუნაიტედი" (3), "ჩელსი" (4), "ლივერპული" (8), "არსენალი" (9) და "მანჩესტერ სიტი" (10) მოხვდნენ.