7 ალტერნატივა სატრანსფერო ფანჯრის დახურვამდე

ესპანური პრესის ინფორმაციით, როდრიგოს ტრანსფერი ჩაიშალა, "ბარსელონა" კი ისევ ფორვარდის ძიებაშია. სატრანსფერო ფანჯარა ოფიციალურად 31 იანვარს იკეტება, რა იმას ნიშნავს, რო, კატალონიელებს საბოლოო გადაწყვეტილების მისაღებად მხოლოდ 3 დღე რჩებათ.

ამერიკულ გამოცემა Forbes-ზე დაყრდნობით წარმოგიდგენთ 7 კანდიდატს, რომლებიც, შესაძლოა, "ბარსელონაში" სუარესის შემცვლელად ვიხილოთ.

კშიშტოფ პიონტეკი

"ჯენოადან" "სან სიროზე" გადასული პიონტეკისთვის ზლატან იბრაჰიმოვიჩის მოსვლამ უარყოფითად იმოქმედა. მან გუნდში თავისი ფუნქცია დაკარგა. პოლონელი ფეხბურთელი "მილანის" დატოვებას გეგმავს. მისი ტექნიკა და უნარები ნამდვილად ყურადღების ღირსია. პიონტეკმა მიმდინარე სეზონში სერია ა-ში 4 გოლი გაიტანა.

ლორენ მორონი

მორონისა და სეტიენის თანამშრომლობა "ბეტისში", საფუძველს იძლევა იმისა, რომ "ბარსელონას" ახალმა მწვრთნელმა ესპანელ ფეხბურთელს კლუბის ხელმძღვანელობასთან რეკომენდაცია გაუწია. მართალია, მორონი "ბლაუგრანას" სიაში არ შედიოდა, თუმცა ეს მანამ, სანამ როდრიგოს ტრანსფერი ჩაიშლებოდა.

მორონი სეტიენის სისტემასთან კარგადაა ადაპტირებული და მარტივად შეძლებს გარემოზე მორგებას. ფეხბურთელმა ლა ლიგის მიმდინარე სეზონში 8 გოლი გაიტანა.

ოლივიე ჟირუ

ჟირუს სახელმა გასულ კვირას უკვე გაიჟღერა. 33 წლის ფრანგი შემტევი იაფი და ხელმისაწვდომია "ბარსელონასთვის". ჟირუ ანტუან გრიზმანთან კარგადაა შეთამაშებული. ტანმაღალი ფეხბურთელი კარგად შეძლებს შეტევაში ბურთისთვის ბრძოლას და სუარესის გამოჯანმრთელებამდე ან ლაუტარო მარტინესის მოსვლამდე ჟირუს კანდიდატურა მისაღებია.

კარლოს ველა

ველას სახელი "ბარსელონასთან" ჯერ კიდევ წინა სატრანსფერო ფანჯარაზე იყო დაკავშირებული. თავად ველამაც აღიარა, რომ "ბლაუგრანაში" გადმოსვლასთან ახლოს იყო. 2019 წელს MLS-ის 36 შეხვედრაში 38 გოლი გაიტანა. "სოსიედადში" 6-წლიანი კარიერის განმავლობაში, მექსიკელი ფეხბურთელი ესპანურ ფეხბურთსა და გარემოს კარგად გაეცნო.

დრის მერტენსი

ჟირუს მსგავსად, მერტენსსაც ამჟამინდელ კლუბთან ("ნაპოლი") კონტრაქტი ივნისში ეწურება და ახალ ხელშეკრულებაზე ხელი ჯერ არ მოუწერია. ბელგიელი გოლების გატანის კუთხით გამორჩეულია. მიუხედავად იმისა, რომ ამჟამად ტრავმირებულია, მისი შეძენით "ინტერი", "არსენალი" და "იუვენტუსი" არიან დაინტერესებულნი.

პედრო როდრიგესი

საყვარელ კლუბში დაბრუნების სურვილი პედროს არაერთხელ გამოუთქვამს. ჟირუს მსგავსად, ზაფხულში ესპანელსაც შეუძლია უფასოდ გადმოვიდეს.