ემანუელ პეტი: მესი კრიშტიანუ არ არის, ის ინგლისში ჩაფლავდებოდა

ერიკ აბიდალთან კონფლიქტის შემდეგ, მესის ინგლისში გადასვლის შესახებ პრესაში ინფორმაცია აქტიურად იწერებოდა. ეს ნაკლებად სავარაუდოა, თუმცა საფეხბურთო სამყაროს წარმომადგენლები ტრანსფერს თეორიულად მაინც განიხილავენ. ერთ-ერთი ასეთი ყოფილი "ბარსელონელი" ემანუელ პეტია. ფრანგი ნახევარმცველის აზრით, მესი პრემიერ ლიგაში ჩაფლავდებოდა.

"სიმართლე გითხრათ, ვფიქრობ, რომ მესი პრემიერ ლიგის ინტენსიური სტილისთვის არ არის გამოსადეგი. ლეოს არ მოეწონებოდა, როცა ჩაარტყამდნენ ან მთელი გუნდი მის პრესინგს ეცდებოდა. მესის მსგავს თამაშს ესპანეთში შეჩვეული არ არის. ის გაცილებით დაცულია. ლეო კრიშტიანუ არ არის, ის ინგლისში ჩაფლავდებოდა."

"ეჭვგარეშეა, რომ ინგლისელი ფანებისთვის დიდი პატივი იქნებოდა მესის ხილვა. თუმცა, არ მესმის, პრემიერ ლიგის გუნდმა, მაგალითად, "მანჩესტერ სიტიმ", რატომ უნდა გადაყაროს ფული მესიში, რომელიც 32-ისაა და მალე 33-ის გახდება." - ციტირებს პეტის სიტყვებს Sport.

საინტერესოა, რომ კრიშტიანუ რონალდუს პრემიერ ლიგის ტოპ 6 გუნდის წინააღმდეგ 28 გოლი აქვს გატანილი, ლიონელ მესის 26. ეს იმ ფონზე, როცა პორტუგალიელი ინგლისში 2003-2009 წლებში ასპარეზობდა. მესის კი ლა ლიგის გარდა არსად უთამაშია.