ლეო მესი მორიგი რეკორდის ზღვარზე...

"ბარსელონას" ვარსკვლავმა, ლიონელ მესიმ, შესაძლოა, "რეალთან" დღეს გასამართ მატჩში კიდევ ერთი რეკორდი დაამყაროს. თუ კატალონიური გუნდის კაპიტანი ამ შეხვედრაში მონაწილეობას მიიღებს, ის სარეკორდო 43-ე "ელ კლასიკოში" ითამაშებს.

მიუხედავად "ბარსელონას" მთავარი მწვრთნელის, კიკე სეტიენის შესაძლო ექსპერიმენტებისა, რთული წარმოსადგენია, რომ "რეალთან" ასეთ მნიშვნელოვან დაპირისპირებაში ლიონელ მესი ვერ ვიხილით. აქედან გამომდინარე, დიდი ალბათობით, 32 წლის შემტევი დღეს რეკორდების გრძელ სიას კიდევ ერთ მიღწევას შემატებს.

მესი მადრიდული კლუბის წინააღმდეგ 43-ე მატჩის ჩატარებით "ბარსას" კიდევ ერთ ლეგენდას, ჩავი ერნანდეს გადაასწრებს, რომელსაც მსოფლიოს ყველაზე სანახაობრივ დაპირისპირებაში 42-ჯერ უთამაშია.

შეხსენება არ გჭირდებათ, რომ "კლასიკოს" საუკეთესო ბომბარდირიც ლეო მესია, რომლის ანგარიშზე 26 გოლია.