უმტიტი ადგილის დასამკვიდრებლად იბრძვის
კიკე სეტიენმა სამუელ უმტიტის ნდობა გამოუცხადა და ბოლო მატჩებში ფრანგი ძირითად შემადგენლობაში დააყენა. თუმცა უმტიტიმ მწვრთნელის იმედები მთლიანად ვერ გაამართლა. თუკი ვალვერდეს საყვარელი მცველი კლემან ლანგლე იყო, კიკე სეტიენი მეტ შანსს სამუელ უმტიტის აძლევს.
სამუელ უმტიტი ძირითადში ადგილის დასამკვიდრებლად ჯერ კიდევ ესპანეთის სუპერ თასის ნახევარფინალიდან იბრძვის. Marca-ს აზრით, "ატლეტიკოსთან" თამაშში პირველი გოლი სწორედ უმტიტის შეცდომის ხარჯზე გავიდა. მან ანხელ კორეას შეჩერება ვერ შეძლო.
"საინტიაგო ბერნაბეუზე" მარიანო დიასის წინააღმდეგ სამეულ უმტიტიმ კონცენტრაცია დაკარგა და ესპანელის შეჩერება ვერ მოახერხა. საბოლოოდ, ამ მომენტს "ბარსელონას" კარში გოლი მოჰყვა.
"ეჭვი არ მეპარება, რომ უმტიტი უმაღლეს დონეს დაუბრუნდება. ის ამას უკვე აკეთებს." - ციტირებს სეტიენის სიტყვებს Marca.
ამ სიახლეზე კომენტარები გათიშულია.
კომენტარები [ 5 ]