Esport3: ზაფხულში ივან რაკიტიჩი "ბარსელონას" დაემშვიდობება
კატალონიური ტელეარხის, Esports3-ს ცნობით, ივან რაკიტიჩის დღეები "ბარსაში" დათვლილია და ხორვატი გუნდს სეზონის დასრულებისთანავე დატოვებს.
კლუბის მესვეურებს სჯერათ, რომ ზაფხულში მასზე მოთხოვნა გაიზრდება და ნახევარმცველის გაყიდვას სარფიანად შეძლებენ.
სეზონის განმავლობაში, რაკიტიჩის როლი გუნდში მკვეთრად შემცირდა. გასულ ტურში, არტურის ტრავმის გამო, მან "სოსიედადის" წინააღმდეგ შეხვედრა ძირითადი შემადგენლობიდან დაიწყო, თუმცა საწყისი თხუთმეტი წუთის გარდა ღირებული არაფერი გამოსვლია და მეორე ტაიმში შეცვალეს კიდეც.
მისი ამჟამინდელი ფორმის გათვალისწინებით, კიკე სეტიენის მხრიდან რიკი პუჩის დატვირთვა უფრო საზრიანი იქნება.
არსებული გარემოებების მიხედვით, "ბარსას" მხრიდან ხორვატის ტრანსფერზე დაყენების საკითხი ლოგიკურია.
Mundo Deportivo-ს ცნობით, ამჟამად რაკიტიჩის მსურველთა რიგებში ოთხი ევროპული გრანდი ფიგურირებს: "ატლეტიკო", "სევილია", "ჩელსი" და "ინტერი".
შეგახსენებთ, რომ ივანმა მიმდინარე სეზონში 31 მატჩში მიიღო მონაწილეობა და 4 ასისტი მიითვალა. 15-ჯერ იყო სასტარტო შემადგენლობაში და აქედან მხოლოდ 3-ჯერ ჩაატარა შუცვლელად შხვედრა.
ამ სიახლეზე კომენტარები გათიშულია.
კომენტარები [ 9 ]