პედრო: ვიმედოვნებ, რომ მდგომარეობა ნორმალურ სახეს მალე მიიღებს

"ბარსელონას" ყოფილი და ამჟამად "ჩელსის" ფეხბურთელი, პედრო როდრიგესი კორონავირუსის შედეგებე საუბრობს.

"ჩემი შვილები ესპანეთში არიან, მე კი ლონდონში. ბავშვებს მუდმივად სახლში დარჩენისაკენ მოვუწოდებ და ვეუბნები, რომ მენატრებიან. რთულია, როცა მათი ნახვის საშუალება არ გაქვს. ვგონებ, ამგვარ სიტუაციაში ბევრი ადამიანია.

ვიმედოვნებ, რომ მდგომარეობა ნორმალურ სახეს მალე მიიღებს. მიმდინარე პროცესების გამო ვწუხვარ. კიდევ ერთხელ, მადლობას ვუხდი ჯანდაცვის სექტორის პერსონალსა და დაცვას. იმედია, ვირუსს შევაჩერებთ," - ციტირებს ესპანელის სიტყვებს Cadena Ser.

პედრო როდრიგესის ფონდმა კორონავირუსის წინააღმდეგ მებრძოლი 3000 ადამიანი უკვე დააფინანსა.