"მანჩესტერ იუნაიტედი" ივან რაკიტიჩით ინტერესდება

"ბარსელონა" "მანჩესტერისგან" სულ მცირე 20 მილიონ ევროს მოითხოვს.

ხორვატი "ბარსას" დატოვებასთნ გასულ ზაფხულსა და იანვარში ახლოს იყო, თუმცა მის სატრანსფერო ფასზე კლუბი ბოლომდე ვერ შეთანხმდა.

ხორვატის მიმდინარე კოტრაქტი 2021 წელს იწურება. თუმცა, როგორც Marca იუწყება, კატალონიელები დარწმუნებულნი არიან, რომ მომდევნო სატრანსფერო ფანჯარაზე შესაბამის ფასზე შეთანხმდებიან.

ჯერჯერობით უცნობია, მანჩესტერის საბოლოო გადაწყვეტილება, იმის შესახებ, ბოლომდე იმუშავებენ 31 წლის ფეხბურთელის ტრანსფერზე, თუ არა.

ესპანურ მედიაში ბოლოს გავრცელებული ინფორმაციით, რაკიტიჩისთვის ყველაზე მოსალოდნელი გუნდები, სადაც კარიერას გააგრძელებდა, მადრიდის "ატლეტიკო" და "სევილია" იყო.