ლიონელ მესი "ინტერის" შესახებ გავრცელებულ ჭორებს გამოეხმაურა

კატალონიის "ბარსელონას" არგენტინელ ლიდერს ბოლო დროს "ინტერს" ხშირად უკავშირებენ. ყველაფერი "ნერაძურის" ყოფილი პრეზიდენტის, მასიმო მორატის განცხადებას მოჰყვა, რომელმაც თქვა, რომ იტალიელებს ლიონელ მესის შეძენა შეუძლიათ.

აღნიშნულზე დაყრდნობით სხვადასხვა გამოცემაში ბევრი ჭორი გავრცელდა. როგორც ჩანს, არგენტინელი შემტევი ტყუილებმა გააღიზიანა და საქმეში Instagram-ის პირადი გვერდი ჩართო.

"ბლაუგრანას" ვარსკვლავმა 2 ფაქტი ნათელი გახადა.

1. პირველი TNT Sports-ის მიერ გავრცელებული ინფორმაციაა, რომლის მიხედვითაც არგენტინელი ლეგენდა და ტიაგო ალმადა, რომელიც "ველეს სარსფილდში" ასპარეზობს, მილანის "ინტერში" გადავლენ.

2. რაც შეეხება მეორე ჭორს, მესიმ უარყო, რომ მან რონალდინიოს გირაო (1.5 მილიონი ევრო) გადაიხადა, რომელიც პარაგვაის ციხიდან გუშინ გამოვიდა და შინაპატიმრობაში გადავიდა.