ESPN: რონალდინიო, შესაძლოა, FIFA-დან გაქრეს

ESPN-ის ცნობით, ისტორიაში ერთ-ერთი საუკეთესო ფეხბურთელი, რონალდინიო, EA Sports-ის პოპულარულ ვიდეოთამაშ FIFA-ს ლეგენდებს შორის, შესაძლოა, აღარ იყოს. 

აქამდე, Ultimate Teams-ის რეჟიმში ბრაზილიელის საკუთარ გუნდში დამატება მისი კარიერის 3 სხვადასხვა პერიოდის მონაცემებით იყო  შესაძლებელი. 

ძნელი გამოსაცნობი არაა, რომ შესაძლო გადაწყვეტილება რონალდინიოს პატიმრობას უკავშირდება. პასპორტის გაყალბებისა და დაკავების შემდეგ, გაუჩოს იმიჯი საკმაოდ შეილახა და EA-ს აღარ სურს, ფეხბურთელთან ასოცირდებოდეს. 

ეს მოთამაშის FIFA-დან გაქრობის პირველი შემთხვევა არ არის: სატელევიზიო ეთერში ნაცისტური ფრაზის გამოყენების გამო, კანადურ-ამერიკულმა კომპანიამ კავშირი მარკო ვან ბასტენთან გაწყვიტა.