ლიონელ მესი კიდევ ერთი რეკორდის დამხობის ზღვარზე

კატალონიის "ბარსელონას, ლიდერი, ლიონელ მესი ფეხბურთის ისტორიაში ნამდვილად ერთ-ერთი საუკეთესო გოლეადორია.

ლეგენდარულმა არგენტინელმა გოლებთან დაკავშირებული არაერთი რეკორდი დაამყარა, თუმცა მას, მიმდინარე სეზონში, კიდევ ერთი შესანიშნავი შედეგის დაფიქსირების შესაძლებლობა აქვს.

Tribuna.com-ის ინფორმაციით, 32 წლის თავდამსხმელს მეშვიდე "პიჩიჩის" მოგება და ბილბაოს "ატლეტიკის" ლეგენდის, ტელმო სარას ჩამოტოვება შეუძლია. ამჟამად ისინი, 6-6 გამარჯვებით, პირველ ადგილს იყოფენ.

მესიმ პრიმერა დივიზიონის მიმდინარე სეზონში 19 გოლი გაიტანა და უახლოეს მდევარ ქარიმ ბენზემას 5 გოლით უსწრებს. საფეხბურთო სეზონის განახლების შემდეგ, რომელიც Covid-19-ის გამო შეჩერებულია, ნაკლებად სავარაუდოა, ლეომ პირველობა ვინმეს დაუთმოს.

"ლა პულგას" აღნიშნული ჯილდო 2010, 2012, 2013, 2017, 2018 და 2019 წლებში გადაეცა.

შეგახსენებთ, "პიჩიჩით" მადრიდული გამოცემა Marca ლა ლიგის საუკეთესო ბომბარდირს ასაჩუქრებს.